ბორჯომში საკრებულოს სხდომა 9 მარტს გაიმართება

ბორჯომის მუნიციპალიტეტის მერიამ ახალი საშტატო ნუსხის დამტკიცების და ხელფასების მომატების საკითხი საკრებულოს მესამედ გადაუგზავა. დოკუმენტი უცვლელია, განსხვავება მხოლოდ მერის ხელფასშია. სხვა თანამშრომლებისგან განსხვევებით მისი ხელფასის ოდენობა იგივე დარჩა, რაც გასულ წელს იყო.

საკრებულოში აცხადებენ, რომ ხელფასების იმ ოდენობით მატებას, როგორც ამას მერია ითხოვს, მხარს ისევ არ დაუჭერენ.

შეგახსენებთ, რომ ბორჯომის მერიამ სამდღიანი პროტესტი შემდეგ მუშაობა დღეს, ხუთ მარტს განაახლა.

ბორჯომის მუნიციპალიტეტის მერიამ საკრებულოს გაზრდილი ხელფასების და ახალი საშტატო ნუსხის დამტკიცების მოთხოვნით პირველად 19 იანვარს მიმართა, თუმცა დეპუტატებმა მხარი არ დაუჭირეს. მეორედ აღნიშნულ საკითხზე სხდომა 28 თებერვალს ჩატარდა. ამ დღეს საკრებულოს სხდომა ორჯერ გაიმართა, რომელსაც "ქართული ოცნების" დეპუტატები პირველად დაესწრნენ. 12:00 საათზე გამართულ სხდომაზე დეპუტატებმა გაზრდილ ხელფასებს მხარი არ დაუჭირეს. 18:30 საათზე ჩატარებულ სდომაზე, რომელსაც საკრებულოს თავმჯდომარე არ ესწრებოდა, დეპუტატებმა ხელფასების მატებას მხარი დაუჭირეს,თუმცა იურისტების განმარტებით ეს სხდომა არალეგიტიმური იყო.

[sknews.ge]