საფორტეპიანო ტრიოს კონცერტი ახალციხეში

კონცერტში მონაწილეობას ზაქარია ფალიაშვილის ოპერისა და ბალეტის სახლემწიფო თეატრის საფორტეპიანო ტრიო იღებდა.

”დღევანდელ კონცერტში სამუსიკო ნომრებს თამარ ლიჩელი, ლელა მჭედლიძე და ბაბაიანი ასრულებენ”, - ამბობს ახალციხის სამუსიკო საკოლის დირექტორი ცისანა ახვლედიანი.

კონცერტს სამუსიკო სკოლის პედაგოგებთან და მოსწავლეებთან ერთად ადგილობრივი თვითმმართველობის წარმომადგენლებიც ესწრებოდნენ.

ცისანა ახვლედიანის თქმით, კულტურის სამინისტროს ინიციატივით კონცერტი დაახლოებით ერთი თვის წინაც გაიმართა.

”მაშინ კვარტეტი გვსტუმრობდა, ახლა ტრიო და ალბათ კონცერტების ციკლი მომავალშიც გაგრძელდება”, - ამბობს სამუსიკო სკოლის დირექტორი.

[თამარ თოთაძე, ახალციხე]