ახალციხეში სამი სამუსიკო სკოლა ერთ ააიპ–ად გაერთიანდა

ააიპ „სკოლისგარეშე სახელოვნებო საგანმანათლებლო დაწესებულება ახალციხის სამუსიკო სკოლის“ ჩამოყალიბებას საკრებულომ მხარი 26 მარტს გამართულ რიგით მესამე სხდომაზე დაუჭირა.

„გაერთიანების შედეგად, საკადრო ცვლილებები პედაგოგებს არ შეეხებათ, თუმცა შემცირდებიან ადმინისტრაციის თანამშრომლები, მიზანიც სწორედ ეს იყო, რომ გაორებული პოზიციები შემცირებულიყო“, – ამბობს ახალციხის მერი ზაზა მელიქიძე.

როგორც საკრებულოს სხდომაზე განმარტეს თითოეულ სამუსიკო სკოლას ეყოლება მენეჯერი, ააიპ–ის კი დირექტორი. ვინ იქნება ააიპ–ის დირექტორი ამ დროისთვის უცნობია: „ახლა გაერთიანდა ააიპ–ად და შესაბამისად დირექტორი არ გვყვავს ჯერ შერჩეული".

[ლუბა გიორგაძე, ახალციხე]