მითები და რეალობა ევროინტეგრაციის შესახებ – შევედრა ახალციხეში

დისკუსია ორგანიზაცია დემოკრატ მესხთა კავშირის“ საკნფერენციო დარბაზში შედგა და მას არასამთავრობო სექტორი და მოქალაქეები ესწრებოდნენ.

„საქართველო-ევროკავშირის ურთიერთობები, დახმარების პროგრამები, ევროკავშირთან დაკავშირებული მითები, შესაძლებლობები და სამომავლო პერსპექტივები და უვიზო მიმოსვლა – ეს იყო ჩვენი საუბრის ძირითადი მიმართულებები“, – განმარტა შეხვედრის დასრულების შემდეგ საქართველოს უსაფრხოების და განვითარების ცენტრის დირექტორის მოადგილემ გიორგი გოგუაძემ.

მისი თქმით, მსგავსი შეხვედრების გამართვა ძალიან მნიშვნელოვანია, რადგან მოსახლეობის ნაწილს ევროკავშირზე მცდარი წარმოდგენა აქვს.

„საუბრობენ, რომ ევროკავშირი ბევრს არაფერს აკეთებს და მისი დახმარების პროგრამები არ არის მნიშვნელოვანი. თანხა კი არ მიდის ხალხთან და არამედ ვიღაცეების ჯიბეში, ეს არის სტერეოტიპი და მითი. კიდე ერთი მითია, როცა ფიქრობენ, რომ ევროკავშირი ისე არ დაგვეხმარება, რომ სამაგიეროდ არაფერი წაგვართვას. სინამდვილეში ხომ პირიქითაა, ევროკავშირი ცდილობს ჩვენი კულტურული იდენტობა შევინარჩუნოთ“, – ამბობს გიორგი გოგუაძე და ამატებს, – „საზოგადოებამ არგუმენტირებულად და კრიტიკულად უნდა შეაფასოს ქვეყნის საგარეო კურსი და მივიდეს ჭეშმარიტებამდე, – რატომ ავირჩიეთ ევროპა, როგორც ჩვენი ოჯახი“.

შეხვედრა გაიმართა საქართველოს უსაფრთხოებისა და განვითარების ცენტრის
ინიციატივით, საინფორმაციო ცენტრთან ნატოსა და ევროკავშირის შესახებ თანამშრომლობით. მსგავსი შეხვედრა მოეწყო ასევე ახალქალაქში.

[თინათინ ზაზაძე, ახალციხე]