უვიზო მიმოსვლის შესახებ ახალციხეში საინფორმაციო შეხვედრა გაიმართა

უვიზო მიმოსვლის შესახებ საინფორმაციო ხასიათის შეხვედრა , „ახალციხის ახალგაზრდული ცენტრის“ ორგანიზებით მოეწყო. მას სტუდენტები, ადგილობრივი არასამთავრობო ორგანიზაციებისა და მედიის წარმომადგენლები ესწრებოდნენ.

შეხვედრის მონაწილეებმა ევროკავშირის ქვეყნებში უვიზო მიმოსვლის წესებთან დაკავშირებით ისაბურეს. ასევე ყურადღება გაამახვილეს როგორც უვიზო მიმოსვლის დადებით მხარეებზე, ასევე საფრთხეებზე.

„ასეთ საინფორმაციო შეხვედრას ჩვენ ასპინძაში, სოფელ დამალაში მცხოვრებლებთანაც ჩავატარებთ, რადგან აქ ურამველსობა ეთნიკური სომეხია. ამიტომ ამ სოფლიდან ქვეყნის ფარგლებს გარეთ ხშირად გადიან“, – ამბობს „ახალციხის ახალგაზრდული ცენტრის“ წარმომადგენელი მზია ინასარიძე.

უვიზო მიმოსვლის შესახებ საინფორმაციო შეხვედრების ფოკუსი საქართველოს რეგიონებია, განსაკუთრებით მაღალმთიანი, საზღვრისპირა, კოფლიქტური, ეთნიკური უმცირესობებით დასახლებული მუნიციპალიტეტები და სოფლები.

კამპანია „ევროპა სახლია“ ევროპული და ევროატლანტიკურ სტრუქტურებში ინტეგრაციის საკითხებში საქართველოს სახელმწიფო მინისტრის აპარტთან და საინფორმაციო ცენტრთან ნატოსა და ევროკავშირის შესახებ პარტნიორობით. კამპანიის მხარდამჭერები არიან ევროკავშირი, ,,ღია საზოგადოების ფონდები“ და სს ,,ლიბერთი ბანკი,“ ხოლო მისიგანმახორციელებლები არიან არასამთავრობო ორგანიზაცია ,,სიდა“ და სამოქალაქო საზოგადოების რეგიონული ქსელი (R-CSN), რომელიც 60-ზე მეტ რეგიონულ არასამთავრობო ორგანიზაციას აერთიანებს.



[ლუბა გიორგაძე, ახალციხე]