ბორჯომის საკრებულოს სხდომაზე „ოცნების“ დეპუტატები შევიდნენ

ბორჯომის საკრებულოში სხდომას „ქართული ოცნების“ 13 დეპუტატიდან 11 ესწრება.

სხდომა 12:00 საათზე დაიწყო. დეპუტატებმა 30 საკითხი უნდა განიხილონ.

შეგახსენებთ, რომ ბორჯომში საკრებულოს სხდომებს ამ დრომდე „ოცნების“ დეპუტატები არ ესწრებოდნენ.

ბორჯომის საკრებულო, საქართველოს მასშტაბით ერთადერთია, სადაც მმართველ პარტია "ქართულ ოცნებას" უმრავლესობა არ ჰყავს. ბორჯომის საკრებულოს 28 დეპუტატიდან, 13 "ქართულ ოცნებას", 15 კი ოპოზიციას წარმოადგენს. და ასევე, საინტერესოა ისიც, რომ 15 ოპოზიციონერი დეპუტატიდან, 11 "პატრიოტთა ალიანსის" წევრია.

[sknews.ge]