ბორჯომის საკრებულოს თავმჯდომარედ გიორგი გოგიჩაიშვილი აირჩიეს

გიორგი გოგიჩაიშვილი "პატრიოტთა ალიანსის"წევრია. გოგიჩაიშვილი ზაზა ჩაჩანიძის იმპიჩმენტის წესით გადაყენებამდე, მისი მოადგილე იყო.

ბორჯომის მუნიციპალიტეტის საკრებულოში გამართულ სხდომას, რომელზეც საკრებულოს ახალი თავმჯდომარე აირჩიეს 22 დეპუტატი ესწრება, 13 „ქართული ოცნების“, ხოლო ცხრა „პატრიოტთა ალიანსის“.

სხდომაზე არ მისულა ექვსი დეპუტატი, მათ შორის: ორი „პატრიოტთა ალიანის“, ორი „ნაციონალური მოძრაობის“, ერთი „ევროპული საქართველოს“ და ერთი „ლეიბორისტული პარტიის“.

დღევანდელ სხდომაზე აირჩევენ საკრებულოს თავმჯდომარის მოადგილესაც. ასევე დამტკიცდება ბორჯომის მერიის და საკრებულოს ახალი საშტატო ნუსხა, რის მიხედვითაც თვითმმართველობის თანამშრომლებს ხელფასები გაეზრდებათ.

შეგახსენებთ, რომ ბორჯომის საკრებულოს თავმჯდომარე ზაზა ჩაჩანიძე 28 მარტს გადააყენეს. 21 დეპუტატიდან ჩაჩანიძის იმპიჩმენტს მხარი 19–მა დაუჭირა, მათ შორის, ექვსი მისი თანაგუნდელი იყო.

[sknews.ge]