ბორჯომში დაიწყო სხდომა, რომელზეც საკრებულოს თავმჯდომარის იმპიჩმენტის საკითხი უნდა განიხილონ

მთავარი → სიახლე, პოლიტიკა 28.03.2018

ბორჯომის მუნიციპალიტეტის საკრებულოში იწყება სხდომა, რომელზეც თავმჯდომარის ზაზა ჩაჩანიძის გადაყენების საკითხი უნდა განიხილონ. დღის წესრიგის მიხედვით, ეს საკითხი პირველია.

ბორჯომში დაიწყო სხდომა, რომელზეც საკრებულოს თავმჯდომარის იმპიჩმენტის საკითხი უნდა განიხილონ

სხდომას 28 დეპუტატიდან 21 ესწრება, მხოლოდ "ქართული ოცნების" 13 და "პატრიოტთა ალიანსის" 8 დეპუტატი. საკითხის განხილვაში არ მონაწილეობენ სხვა ოპოზიციონერი დეპუტატები: 'ნაციონალური მოძრაობის' ორი, 'ლეიბორისტების' ერთი, 'ევროპელების' ერთი და 'პატრიოტთა ალიანსის' ორი წარმომადგენელი. ასევე, სხდომაზე არ არის საკრებულოს თავჯდომარე ზაზა ჩაჩანიძე. დღევანდელ სხდომას თავმჯდომარის მოადგილე გიორგი გოგიჩაიშვილი უძღვება.

ამ წუთებში საკრებულოში კენჭისყრისთვის კაბინას ამზადებენ.

ბორჯომის მუნიციპალიტეტის ადმინისტრაციული შენობა დილიდან სამართალდამცველებითაა გარშემორტყმული. პოლიციელები არიან შენობის შიგნითაც. მათი სიმრავლე შინაგან საქმეთა სამინისტროში უსაფრთხოების მიზნით ახსნეს.

პოლიცია შენობაში არ უშვებს არავის, გარდა მედიისა და თვითმმართველიბების წარმომადგენლებისა.

ბორჯომში დაიწყო სხდომა, რომელზეც საკრებულოს თავმჯდომარის იმპიჩმენტის საკითხი უნდა განიხილონ