ახალციხის სომხურ სკოლაში გამოცდები ერთ ეტაპად ჩააბარეს

მე-3 საჯარო სკოლაში მოსწავლეებმა რვავე გამოცდა მეორე ეტაპზე ჩააბარეს. პროცესი 20-დან 29 მაისის ჩათვლით მიმდინარეობდა.

’წელს ჩვენი სკოლა 17-მა მოსწავლემ დაამთავრა, გამოცდები ყველამ ჩააბარა, არავინ ჩაჭრილა. დღეს ბოლო გამოცდა მათემატიკაში ჰქონდათ', - ამბობს საქმის მწარმოებელი ნარინე კირაკოსიანი.

გარდა წელს დამთავრებულებისა, მესამე სკოლაში გამოცდას ის მოსწავლეებიც აბარებდნენ, ვინც წინა წელს ჩაიჭრა. ჯამში, წელს გამოცდებს 52 მოსწავლე აბარებდა.

’არც ისინი ჩაჭრილან, ვინც წინა წელს ვერ ჩააბარა. მინიმალური ბარიერი ყველა მოსწავლემ გადალახა’, - ამბობს კირაკოსიანი.

[ნუკა სტეფნაძე, ახალციხე]