მინი ფეხბურთში წნისელებმა გაიმარჯვეს

მინი ფეხბურთის ჩემპიონატი სხვადასხვა ორგანიზაციების, დაწესებულებებისა და მუნიციპალიტეტის სოფლის გუნდებს შორის რამდენიმე დღის განმავლობაში მიმდინარეობდა. დღეს, დამოუკიდებლობის დღესთან დაკავშირებით ფინალური მატჩი გაიმართა.

”ძალიან მიხარია, რომ გავიმარჯვეთ. მოგება არ გაგვჭირვებია”,- ამბობს წნისის გუნდის ფეხბურთელი გიორგი გოგოლაძე.

დღესვე გაიმართა ფინალური მატჩი მუნიციპალიტეტის საჯარო სკოლებს შორის, სადაც ერთმანეთს ურაველის საჯარო სკოლისა და ახალციხის პირველი საჯარო სკოლის მოსწავლეები ხვდებოდნენ. გამარჯვება პირველმა საჯარო სკოლამ მოიპოვა.

გამარჯვებულებს ფასიანი საჩუქრები და სიგელები გადაეცათ.



[sknews.ge]