ახალციხეში ფეხბურთის ჩემპიონატი მიმდინარეობს

ფეხბურთის ტურნირი ახალციხის მუნიციპალიტეტის გამგეობის კულტურის სამსახურის, სპორტის, ძეგლთა დაცვისა და ახალგაზრდულ საქმეთა სამსახურის ორგანიზებით მიმდინარეობს. თამაშები 9 აპრილის ქუჩაზე მდებარე მინი სტადიონზე იმართება.

”ტურნირში სულ ცხრამეტი გუნდი იღებს მონაწილეობას. გამარჯვებული გუნდებისთვის პრიზების შესაძენად ახალციხის მუნიციპალიტეტის გამგეობამ 150 ლარი გამოიყო”, - ამბობს ახალციხის მუნიციპალიტეტის გამგეობის კულტურის განათლების, სპორტის, ძეგლთა დაცბისა და ახალგაზრდულ საქმეთა სამსახურის სპეციალისტი მაია სხირტლაძე.

ამ ეტაპზე ტურნირის მეოთხედფინალები მიმდინარეობს. ყოველ დღე ოთხი თამაში იმართება. დღეს გამართული ორი თამაშიდან ნახევარფინალში სამცხე-ჯავახეთის სახელმწიფო სასწავლო უნივერსიტეტისა და სოფელ წნისის გუნდები გადავიდნენ.

უნივერსიტეტის გუნდმა დღევანდელ თამაშზე წმინდა გიორგის გუნდი 3:2 დაამარცხა. წნისის გუნდმა კი ვალის გუნდთან ფრე 4:4 ითამაშა, პენლებში კი 3:2 მოუგო.

”კარგი გუნდი გვყავს ვიმედოვნებ რომ ტურნირის გამარჯვებულები გავხდებით, ძალიან კარგი წამოწყებაა და კარგი იქნება თუ ხშირად გაიმართება”, - ამბობს სოფელ წნისის ტერიტორიული ორგანოს რწმუნებული დავით ლაცაბიძე.

პრიზებს პირველ და მეორე ადგილზე გასული გუნდები მიირებენ. ჩემპიონატის დასრულების შემდეგ საუკეთესო ბომბარდირიც დაჯილდოვდება.

[ოთარ აწყურელი, ახალციხე]