ბორჯომის საკრებულოს „ოცნების“ წევრმა დეპუტატებმა სასამართლოს არ მიმართეს

ბორჯომის მუნიციპალიტეტის საკრებულოს დეპუტატები "ქართული ოცნებიდან", სასამართლოში შესატანად სარჩელს ამზადებდნენ. მათ იმ ოქმების ბათილად ცნობა უნდა ეთხოვათ, რომლის მიხედვითაც საკრებულოს თავმჯდომარე აირჩიეს და კომისიები დააკომპლექტეს. თუმცა, სასამართლოში სარჩელის შეტანის ვადა 21 დეკემბერს ამოიწურა.

"გადავწყვიტეთ, რომ სასამართლოში სარჩელს არ შევიტანთ და პოლიტიკური კუთხით ვიდავებთ, თუმცა ჯერ სტრატეგია შემუშავებული არ გვაქვს", – აცხადებს "ქართული ოცნების დეპუტატი ირაკლი კვირკველია.


შეგახსენებთ, რომ 20 ნოემბერს, საკრებულოს პირველი სხდომა ბორჯომში, ცხრა საათის განმავლობაში, ხმაურისა და დაპირისპირების ფონზე მიმდინარეობდა.

[თამუნა უჩიძე, ბორჯომი]