ბორჯომის საკრებულოს "ოცნების" წევრი დეპუტატები სასამართლოსთვის მიმართვას აპირებენ

"ზუსტად არ ვიცი სასამართლოში როდის შევიტანთ სარჩელს. მოვითხოვთ იმას, რომ ბათილად იქნეს ცნობილი ის ყველაფერი, რაც თუნდაც ამ წუთში ბორჯომის საკრებულოში ხდება", – ამბობს ერთ–ერთი დეპუტატი "ქართული ოცნებიდან" ირაკლი კვირკველია.

მისი თქმით, ჯერ სარჩელი შედგენილი არაა.

საკრებულოს დეპუტატი "ერთიანი ნაციონალური მოძრაობიდან", ბაკურ გელაშვილი ამბობს, კარგია, რომ "ოცნება" სამართლებრივ რეჟიმში გადადის: "მათ იმ დოკუმენტებზე უნდათ უარის თქმა, რასაც ხელი თვითონ მოაწერეს".

შეგახსენებთ, რომ 20 ნოემბერს, საკრებულოს პირველი სხდომა ბორჯომში, ცხრა საათის განმავლობაში, ხმაურისა და დაპირისპირების ფონზე მიმდინარეობდა.

[sknews.ge]