რა გელოდებათ 31 დეკემბერს ბორჯომში

ბორჯომში საახალწლო ღონისძიებები 31 დეკემბერს დილიდან დაიწყება. როგორც ბორჯომის მუნიციპალიტეტის გამგეობაში ამბობენ, საახალწლო განწყობის შექმნისათვის ქუჩაში იმოძრავებს ღია მანქანა, თოვლის ბაბუა, ფიფქია და მხიარული მასხარები ბავშვებს ახალ წელს მიულოცავენ და საჩუქრებს დაურიგებენ.

18:00 საათზე, შოთა რუსთაველის სახელობის ცენტრალურ მოედანზე საახალწლო წარმოდგენა გაიმართება.

კონცერტში მონაწილეობას მიიღებენ როგორც ადგილობრივი, ასევე თბილისიდან მოწვეული ჯგუფები.
ბორჯომმა ახალი წლის ღამის კონცერტის მონაწილეები სოციალურ ქსელში ჩატარებული გამოკითხვით გამოავლინა.

ბორჯომში ახალი წლის ღამეს იმღერებენ ჯგუფები: „SONADOR“, „Guardian Brothers“ და "აკრძალული ხილი“.

კონცერტზე გათვალისწინებულია 2015 წლის წარმატებული ადამიანების: სპორტსმენებისა და ხელოვანების, პედაგოგების, მედიცინის მუშაკებისა და ქალაქის სხვადასხვა სამსახურების წარმატებული მუშაკების დაჯილდოება-წახალისება.

ბორჯომელებს ახალ წელს მოულოცავს ბორჯომისა და ბაკურიანის მიტროპოლიტი სერაფიმე.

ზეიმს ფოიერვერკი დაასრულებს.

[sknews.ge]