ფერსის კლუბში მცხოვრები ოჯახით ’ერთსულოვნება’ დაინტერესდა

ჩოქურების სამსულიან, სოციალურად დაუცველ ოჯახს, საკვები პროდუქტებითა და ტანსაცმლით არასამთავრობო ორგანიზაცია ”ერთსულოვნება საზოგადოების უფლებებისთვის” დაეხმარა. ორგანიზაციაში ამბობენ, რომ ჩოქურების შესახებ ’სამხრეთის კარიბჭეს’ ვებ-გვერდიდან შეიტყვეს.

”ფაქტობრივად, ოჯახი სახლის გარეშეა დარჩენილი. არ გააჩნიათ არანაირი საყოფაცხოვრებო ნივთი. არ აქვთ საშუალება პროდუქტის შეძენის’, - ამბობს არასამთავრობო ორგანიზაცია ’ერთსულოვნება საზოგადოების უფლებებისთვის’ სამცხე-ჯავახეთის რეგიონული ოფისის თავმჯდომარე ქეთევან ხმალაძე.

ჩოქურების ოჯახი ექვსი თვეა კლუბის შენობაში ცხოვრობს.

’ჩვენი სოფლის რწმუნებულს მივმართეთ დასახმარებლად, კიდევ ბევრ სხვას, დაგვპირდნენ, მაგრამ არავინ გამოჩენილა. ერთადერთი, რაც მოგვიტანეს, სახურავია, რომელიც მეზობელთანაა’, - ამბობს ლალი ჩოქური.

ჩოქურებს ისევ არც სასმელი წყალი აქვთ და არც ელექტორენერგია. ’ერთსულოვნება’ ოჯახს დენის პრობლემის მოგვარებას დაჰპირდა.

’მომავალშიც გაუწევთ დახმარებას, ვეცდებით დენის პრობლემა მოვუგვაროთ’, - ამბობს ხმალაძე.

[ნუკა სტეფნაძე, ახალციხე]