ბორჯომის ცენტრალურ პარკთან გარევაჭრობა იკრძალება

“ხიდთან ახლოს გავუკეთებთ ჯიხურებს, შევლენ და იქ ივაჭრებენ. უსახურია ამ ტერტორიაზე გარევაჭრობა ”, - ამბობს ბორჯომის მუნიციპალიტეტის გამგებელი დიმიტრი ბერიძე.

ბორჯომის მუნიციპალიტეტის გამგეობაში განმარტავენ, რომ ჯიხურების ესკიზს არქიტექტურის სამსახური გამგეობასთან მომავალ კვირაში შეთანხმებს. მოვაჭრეები ჯიხურის ქირას არ გადაიხდიან.

ცენტრალური პარკის შესასვლელთან მდგომი მოვაჭრეები სპეციალურად მათთვის გამოყოფილ ადგილზე გადასვლაზე უარს არ ამბობენ.

”როგორც ადგილობრივი ხელისუფლება გადაწყვეტს, ისე მოვიქცევით, სხვა გზა მაინც არ გვაქვს. იძულებულები ვართ, სადაც გვეტყვიან, იქ გადავიდეთ”,-ამბობენ მოვაჭრეები, რომლებიც წლებია პარკის შესასვლელის მიმდებარე ტერიტორიაზე სხვადასხვა წვრილმანსა და ტკბილეულს ყიდიან.

შეგახსენებთ, რომ ბორჯომის ქუჩებში გარევაჭრობა 7 მაისს აიკრძალა.

[თინათინ ზაზაძე, ბორჯომი]