სოფიო შევჩენკომ ახალციხის სასამართლოს გადაწყვეტილება სააპელაციოში გაასაჩივრა

თბილისის სააპელაციო სასამართლოში სოფიო შევჩენკომ სარჩელი უკვე შეიტანა. მისი მოთხოვნა, ახალციხის რაიონული სასამართლოს გადაწყვეტილების ბათილად ცნობაა.რომლის მიხედვითაც, შევჩენკოს სარჩელი სამსახურში აღდგენისა და იძულებით განაცდურის ანაზღაურების შესახებ არ დაუკმაყოფილა.

„ამასთან ერთად, იგივეა ჩემი სასარჩელო მოთხოვნა, აღმადგინონ სამსახურში და ამინაზღაურონ განაცდური“,–ამბობს სოფიო შევჩენკო.

შეგახსენებთ, რომ შევჩენკო უკვე მესამე გათავისუფლებული თანამშრომელია ახალციხის თვითმმართველობაში, რომელმაც სასამართლოში იჩივლა.

ახალციხის საკრებულოს, მობილობის წესის დარღვევას ედავებოდა ორი ყოფილი თანამშრომელი: ეკა ტატალაშვილი და თეა ბაღდოშვილი, რომლებმაც საქმე პირველი ინსტანციის სასამართლოში მოიგეს. სასამართლომ საკრებულოს მათი სამსახურში აღდგენა და იძულებით განაცდურის ანაზღაურება დაავალა, თუმცა, საკრებულომ საქმე გაასაჩივრა და დავა ახლა სააპელაციოში გრძელდება.

სოფიო შევჩენკოს კი ახალციხის რაიონულმა სასამართლო სარჩელი არ დაუკმაყოფილა, რაც იმით ახსნა, რომ მერიაში შტატები შემცირდა და მას, თანამშრომლების შემცირებაც მოყვებოდა.

[ლუბა გიორგაძე, ახალციხე]