ვითარება წაღვერში ხანძრიდან მესამე დღეს

შინაგან საქმეთა სამინისტროს საგანგებო სიტუაციების სააგენტოს ინფორმაციით, სტიქიის ზონაში სამუშაოებს ქარი აფერხებს, – ახალი კერები არ ჩნდება, მაგრამ ქარის გამო ჩამქრალი კერები ღვივდება და ალდება. ისევ არის ტყეში დაკვამლიანებაც.

"ამ ეტაპზე მაინც შეგვიძლია ვთქვათ, რომ ვითარება არის სტაბილური და სიტუაცია კონტროლე ექვემდებარება", – აცხადებენ სააგენტოში.

უწყების ინფორმაციით, დღეს დილიდან, ხანძრის სალიკვიდაციო სამუშაოებში, მეზობელი ქვეყნის აზერბაიჯანის ვერტმფრენნი ჩაერთო და ამ ეტაპზე ადგილზე სამი ვერტმფრენი მუშაობს: აზერბაიჯანის, შინაგან საქმეთა სამინისტროს სასაზღვრო ძალები და კერძო კომპანია "თუშეთის".

გარდა ამისა, ადგილზე მობილიზებულია შსს–ს 500–ზე მეტი თანამშრომელი – საგანგებო სიტუაციების მართვის სააგენტოს 250-მდე მეხანძრე-მაშველი და შსს-ს განსაკუთრებულ დავალებათა დეპარტამენტის 300-მდე თანამშრომელი. ასევე, ხანძრის ჩაქრობაში ჩრთული არიან ეროვნული სატყეო სააგენტოს წარმომადგენლები.

ხანძრის კერებამდე მისასვლელად, ტყეში გაიჭრა დაახლოებით 6 კილომეტრი გზა და ამ ეტაპზე სახანძრო მანქანები ცეცხლის კერებტან თავისუფლად მიდიან.

"ხანძრის ახალი კერები არ გვაქვს, ფაქტიურად შეგვიძლია ჩავთვალოთ, რომ ცეცხლი ლოკალიზებულია", - აცხადებს რეგიონული განვითარებისა და ინფრასტრუქტურის მინისტრი ზურაბ ალავიძე.

ბორჯომის ხობაში, დაბა წაღვერში, ხანძარი 22 სექტემბერს, საღამოს გაჩნდა. ხანძარი იგივე უბნებზე გაჩნდა, სადაც აგვისტოს თქვეში იყო. შეგახსენებთ, ხანძარი ბორჯომის ხეობაში 20 აგვისტოს გაჩნდა და ცეცხლს მეხანძრე-მაშველები, შსს–ს თანამშრომლები, ადგილობრივი და სხვა ქვეყნების ტექნიკისა და ავიაციის დახმარებით, 8 დღის განმავლობაში აქრობდნენ.

[ნინო ნარიმანიშვილი, ბორჯომი]