რეგიონის პრობლემების მოგვარებაში ახალგაზრდები ერთვებიან

სამოქალაქო განათლებისა და პედაგოგთა გადამზადების პროგრამის ფარგლებში, დღეს, სამოქალაქო კლუბის წევრებმა ოთხ მუნიციპალიტეტში არსებული პრობლემის და მათი გადაჭრის გზების შესახებ პრეზენტაცია გამართეს.

პრეზენტაციას ესწრებობნენ ოთხი მუნიციპალიტეტის ბორჯომის, ასპინძის, ახალციხის და ადიგენის, ასევე ადგილობრივი არასამთავრობო, ბანკების და
დამფინანსებელი ორგანიზაციის წარმომადგენლები.

პროექტი დაფინანსებულია ამერიკული ორგანიზაცია PH International ამერიკის შეერთებული შტატების საერთაშორისო განვითარების სააგენტოს (USAID) მიერ. მასში ჩართული იყო სამცხე-ჯავახეთის 61 საჯარო სკოლა.

დღევანდელ ფორუმში მონაწილეობას იღებდნენ ოთხი მუნიციპალიტეტის საჯარო სკოლების მოსწავლეები ადიგენიდან, ბორჯომიდან, ასპინძიდან და ახალციხიდან.

- ’დღეს საკმაოდ საინტერესო პროგრამები წარმოგვიდგინეს სამოქალაქო კლუბის წევრებმა. წარმატებად მიმაჩნია ის, რომ მათ პროექტებზე მუშაობაში ადგილობრივი თვითმმართველობის წარმომადგენლებიც ჩაერთვებიან’ -ამბობს სამოქალაქო განათლების და პედაგოგთა გადამზადების პროგრამის მცირე გრანტების კორდინატორი ინგა ქიბროწაშვილი.

დღევენდელ ღონისძიებას ორგანიზებას უწევდა ახალციხეში არსებული არასამთავრობო ორგანიზაცია ’ახალციხის ახალგაზრდული ცენტრი.’

დღევანდელ ფორუმზე წარმოდგენილი ახლციხის გუნდი არაფორმალური განათლების სფეროზე მუშაობდა, ადიგენის გუნდმა ადგილობრივ თვითმართველობასთან თანამშრომლობის საკითხებზე იმსჯელა, ბორჯომის გუნდმა გარემოს დაცვის პრობლემები წარმოადგინა, ასპინძის გუნდმა კი ტურიზმის განვითარების შესახებ ისაუბრა.

კლუბის წევრებმა დამსწრე საზოგადოებას აღნიშნული თემბის შესახებ საპროექტო იდეები გააცნეს.

- ’ოთხივე პროექტი დაფინანსებულია ახალციხის ახალგაზრდული ცენტრის მიერ 90 დოლარის ოდენობით, ასევე ადგილობრივი მუნიციპალტეტების წარმომადგენლებმა გამოთქვეს სურვილი, რომ გამოყონ გარკვეული თანხა. პროექტი 20 მაისს დამთავრდება’, - ამბობს სამოქალაქო განათლების და პედაგოგთა გადამზადების პროგრამის კოორდინატორი ახალციხეში მარინე სუდაძე.

- ’ბორჯომში ეკოლოგიური პრობლემების შესახებ ჩვენი წარმოდგენილი პროექტით ადგილობრივი თვითმმართველობის წარმომადგენლები დავაინტერესეთ და დაგვპირდნენ, რომ ამ მიმართულებით პრობლემების მოგვარებაზე ჩვენთან ერთად იზრუნებენ’, - ამბობს ბორჯომის სამოქალაქო კლუბის წარმომადგენელი მარიამ გელაშვილი.

ბორჯომის მუნიციპალიტეტში სპორტის და ახალგაზრდობის ურთიერთობათა სამსახურის წამყვანი სპეციალისტის აკაკი ჩადუნელის თქმით, ახალგაზრდების მიერ წამოწეული საკითხი მათი მუნიციპალიტეტისთვის ძალიან მნიშვნელოვანია: ’ცოტა პროექტს სჭირდება დახვეწა. ხელმძღვანელობას საქმის კურსში ჩავაყენებ და აუცილებლად გამოვნახავთ სახსრებს მათ დასახმარებლად’.

ღონისძიების ბოლოს სკოლის მოსწავლეებს და პროექტში მონაწილე ორგანიზაციებს მალიერების სერთიპიკატებიგადაეცათ.

[ნუკა სტეფნაძე, ახალციხე]