აბასთუმანში ვერტმფრენმა მუშაობა დილამდე შეაჩერა

აბასთუმანში, საგანგებო შტაბში რჩება შინაგა საქმეთა მინისტრი გიორგი მღებრიშვილი, შტაბი 24–საათის განმავლობაში იმუშავებს.

"სამხრეთის კარიბჭეს" ჟურნალისტის ცნობით, ადგილზე გაშლიან კარვებსაც.

აბასთუმანში ხანძარი დღეს, 29 აგვისტოს გაჩნდა. ცეცხლი მიუვალ ადგილზე, უღრან ტყეშია გავრცელებული. ხანძრის ჩაქრობას მეხანძრე-მაშველებთან და მეტყევეებთან ერთად ადგილობრივებიც ცდილობენ. ასევე, სვირიდან აბასთუმანში გადაიყვანეს შინაგან საქმეთა სამინისტროს განსაკუთრებულ დავალებათა დეპარტამენტის წარმომადგენლები, 170–კაციანი ჯგუფი. დღის განმავლობაში ცეცლის ჩაქრობის პროცესში ჩართული იყო სასაზღვრო ძალების ვერტმფრენიც.

ხანძრის ჩაქრობის პროცესს მიუვალი ადგილი და ქარი აფერხებს. გარდა ამისა, ხანძრის ლოკალიზებას ართულებს რელიეფიც.

[sknews.ge]