რა ხდება აბასთუმანში – ფოტო და ვიდეო მასალა ხანძრის კერიდან

შეგახსენებთ, დღეს, 29 აგვისტოს, ხანძარი გაჩნდა აბასთუმანშიც. „სამხრეთის კარიბჭეს“ ჟურნალისტის ცნობით, რომელმაც ხანძრის კერამდე მისასვლელად, ჯერ სატვირთო მანქანით (ურალით), შემდეგ კი ფეხით, რამდენიმე კილომეტრი იარა, ადგილი იმდენად მიუვალია, რომ სახანძრო მანქანები წყლის მილებსაც ვერ აწვდენენ.

მისი ინფორმაციით, ამ ეტაპზე ადგილზე მეტყევეები, მეხანძრე–მაშველები და მოხალისეები ნიჩბებით მუშაობენ, ცეცხლი კერების ლოკალიზებას ცდილობს ვერტმფრენიც: „5–6 სახანძრო ჯგუფია, მანქანებით და ცდილობენ როგორმე ცეცხლის ღია კერებს წლის მილები მიაწვდინონ“.

როგორც ჟურნალისტი იუწყება, ადგილზე ძლიერი დაკვამლიანებაა. ხანძრის ახლოს იყო შინაგან საქმეთა მინისტრი გიორგი მღებრიშვილი, თუმცა, უშუალოდ კერამდე მიახლოება ვერც მან შეძლო.

[sknews.ge]