აბასთუმანში ხანძრის ლოკალიზება ვერ ხერხდება

"სამხრეთის კარიბჭეს" ჟურნალისტის, ლუბა გიორგაძის თქმით, მოხალისეთა დაახლოებით 20–კაციანმა ჯგუფი ამ დროისათვის ხანძრის კერა დატოვა. ისინი ამბობენ, რომ მუშაობა ძალიან რთულია.

"წამოვედით 20 კაცი, სახანძროები ისევ ვერ ამოდიან, ნაწილი წამოვედით, ნაწილი დარჩა, ხვალ ისევ გავაგრძელებთ მუშაობას", – უთხრა "სამხრეთის კარიბჭეს" გიორგი დემეტრაძემ.

აბასთუმანში ხანძარი დღეს, 29 აგვისტოს გაჩნდა. დაბაშიც და მიმდებარე სოფელშიც ძლიერი დაკვამლიანებაა. ადგილი მიუვალია, ტყე უღრანი, ამიტომ ტექნიკას უჭირს მუშაობა, ხანძრის ლოკალიზებას ცოცხალი ძალა: მეტყევეები, მეხანძრე–მაშველები და მოხალისეები ცდილობენ. სვირიდან აბასთუმანში გადაინაცვლა სასაზღვრო ძალების ვერტმფრენმა. ბოლო ინფორმაციით, სტიქიასთან ბრძოლაში ჩაერთვნენ შინაგან საქმეთა სამინისტროს განსაკუთრებულ დავალებათა დეპარტამენტის თანამშრომლებიც.

ადგილობრივები ამბობენ, რომ ერთი ვერტმფრენი ხანძარს ვერ ჩააქრობს. ამ ეტაპზე ცდილობენ ტყეში გზები გაჭრან იმისათვის, რომ ხანძრის კერებთან სახანძრო მანქანებმა შეძლონ მისვლა.

მოხალისეების თქმით, რომლებიც უკვე იყვნენ ტყეში, ცეცხლი ნიადაგს, ტორფს უკიდია და ახალ–ახალი კერები ჩნდება.






[sknews.ge]