დაბაში ცეცხლის ლოკალიზება ისევ ვერ ხერხდება

დღეს, 22 აგვისტოს დილიდან ხეობაში ცეცხლის ჩასაქრობად სასაზღვრო პოლიციის ორი და აზერბაიჯანული მხარის ერთი ვერტმფრენი მუშაობს. როგორც ცნობილია, უახლოეს საათებში თურქეთიდან კიდევ ორ ვერტმფრენს ელოდებიან.

რაც შეეხება მეხანძრეებს, საგანგებო სიტუაციების მართვის სამსახურის ინფორმაციით, ადგილზე 400 მეტი მეხანძრეა მობილიზებული, ასევე არიან მოხალისეები. მათი ძირითადი ნაწილი ცეცხლის ჩაქრობას დაბის ტერიტორიაზე ცდილობს.

დაბაში დილიდან იმყოფება საქართველოს შინაგან საქმეთა მინისტრი გიორგი მღებრიშვილი.

ცეცხლის გავრცელების შესაჩერებლად, 21 აგვისტოს, მთელი ღამის განმავლობაში, ხეობაში დაახლოებით 10 კილომეტრიანი თხრილები გაჭრეს, რაც ხანძრის დასახლებულ პუნქტზე გადასავლას ხელს უშლის.

ამ დროისათვის, სოფელ დაბაში სიმშვიდეა. საგანგებო სიტუაციების მართვის სამსახურის ინფორმაციით, დასახლებაზე ცეცხლის გადასვლის საშიშროება არ არსებობს და შესაბამისად, არც ევაკუაციაა იგეგმება.

[sknews.ge]