ახალციხესა და ახალქალაქში ცეცხლის ლოკალიზება ვერ ხერხდება

საგანგებო სიტუაციების მართვის სამსახურში ვერც სვირისა და ვერც კორხის ხანძრის მასშტაბებზე ვერ საუბრობენ. უწყებაში ამბობენ, რომ შემთხვევის ორივე ადგილზე მეხანძრე–მაშველები არიან მობილიზებული და მათი ვარაუდით, ცეცხლის ლოკალიზება მალე შესაძლებელი იქნება.

მათივე ინფორმაციით, სვირში შერეული, კორხში კი წიწვოვანი ტყე იწვის. ხანძრის ორივე კერა დასახლებული პუნქტისგან დაშორებულია და დასახლებულ პუნქტზე ხანძრის გადასვლის საშიშროება არ არსებობს.

შეგახსენებთ, რომ სამცხე–ჯავახეთში, სოფლებში, სვირსა და კორხში, ხანძარი დღეს, 28 აგვისტოს გაჩნდა.

[sknews.ge]