სოფელ დაბის ტერიტორიაზე ცეცხლის ჩაქრობას მეხანძრეებთან ერთად ადგილობრივებიც ცდილობენ

სოფელ დაბის ტერიტორიაზე, ხმელი ბალახებიდან ცეცხლი უკვე ტყის მასივზე გადავიდა. ბორჯომის გამგებლის მოადგილის ანზორ სვანიძის თქმით, ცეცხლის ჩაქრობას სიცხე და ძლიერი ქარი ართულებს.

მისივე განმარტებით, ტერიტორია ტექნიკისთვის მიუვალია.მეხანძრეებთან ერთად კი ცეცხლის ჩაქრობის პროცესში სოფელ დაბისა და წაღვერის მცხოვრებლებიც ჩაერთვნენ.

საგანგებო სიტუაციების მართვის სამსახურის ინფორმაციით, ადგილზე რეგიონის ათზე მეტი სახანძრო ჯგუფი მუშაობს, ცეცხლის ჩაქრობას ასევე სასაზღვრო პოლიციის ვერტმფრენი ცდიობს. რა ფართობზეა ცეცხლი გავრცელებული, ამ დროისათვის ისე უცნობია.

ბორჯომში, სოფელ დაბის იმ ტერიტორიაზე, სადაც 2008 წლის აგვისტოს ომის დროს ტყის მასივი დაიწვა, ცეცხლი დღეს, 20 აგვისტოს გაჩნდა. აღნიშნულ ტერიტორიაზე ბოლო წლების განმავლობაში დამწვარი ტყის მასივის აღდგენითი სამუშაოებიც მიმდინარეობს.

როგორც, ბორჯომის მუნიციპალიტეტის მოადგილემ ანზორ სვანიძემ "სამხრეთის კარიბჭეს" განუცხადა, ახლად დარგულ ნერგებზე ცეცხლის გადასვლის საშიშროება ამ დროისათვის, არ არსებობს.

ამ დროისათვის, ცეცხლის გავრცელების საშიშროება არ არსებობს, დასახლებულ პუნქტზეც.

შსს–ს ინფორმაციით, ხანძრის გაჩენის მიზეზებზე ძიება, სსკ–ს 187–ე მუხლით დაიწყო, რაც ნივთის დაზიანება ან განადგურებას გულისხმობს.

[ლუბა გიორგაძე, ბორჯომი]