ბორჯომში 1 თვითმფრინავი და 8 ვერტმფრენი მუშაობს

ამ დროისათვის ბორჯომის ხეობაში, საქართველოს 2, აზერბაიჯანის 3, ბელარუსიის 1 და თურქეთის 2 ვერტმფრენი და 1 თვითმფრინავი ცდილობს ცეცხლის ლოკალიზებას.

აქედან აზერბაიჯანის 2 ვერტმფრენს, რომლებიც საქრთველოში დილით შემოფრინდა, ცეცხლის ჩაქრობის პარალელურად, ცოცხალი ძალა გადაჰყავს ხანძრის კერებზე.

გარდა ამისა, დილიდან ცეცხლის ქრობის პროცესში თავდაცვის სამინისტროს შენაერთები ჩაერთვნენ.

საგანგებო სიტუაციების მარვთის სამსახურის ინფორმაციით, ამ დროისათვის ხანძრის ყველა ლოკაცია კონტროლდება, ძირითადი კერები ჩამქრალია და გავრცელების საშიშროება არ არსებობს. მიუხედავად ამისა, მათივე თქმით, ბორჯომში ისევ ძლიერი ქარია.

ბოლო ინფორმაციით, ქარის გამო წაღვერის მისადგომებთან მდებარე ხანძრის კერა ისევ გაღვივდა.

შეგახსენებთ, რომ დილიდან ცეცხლის ქრობის ოპერაციაში სომხეთისა და აზერბაიჯანის მეხანძრეებიც ჩაერთვნენ.

[ლუბა გიორგაძე, ბორჯომი]