დაბის ტერიტორიაზე ხანძარი 500 კვ.მ ფართობზეა გავრცელებული [Photo]

ეროვნული სატყეო სააგენტოს ინფორმაციით, ხანძარი დაახლოებით 500კვ.მ ფართობზეა გავრცელებული.

ხანძრის ლოკალიზება ქარის გამო გართულებულია. ადგილზე მობილიზებულია ეროვნული სატყეო სააგენტოს სამცხე-ჯავახეთის სატყეო სამსახურის თანამშრომლები, ადგილობრივი სახანძრო, პოლიცია, სამაშველო სამსახური დავერტმფრენი.

ადგილზე იმყოფება ეროვნული სატყეო სააგენტოს უფროსი თორნიკე გვაზავა.

შეგახსენებთ, რომ ბორჯომში, სოფელ დაბის იმ ტერიტორიაზე, სადაც 2008 წლის აგვისტოს ომის დროს ტყის მასივი დაიწვა, ცეცხლი დღეს, 20 აგვისტოს გაჩნდა. აღნიშნულ ტერიტორიაზე ბოლო წლების განმავლობაში დამწვარი ტყის მასივის აღდგენითი სამუშაოებიც მიმდინარეობს.

საგანგებო მართვის სიტუაციების სამსახურის ინფორმაციით, ადგილზე რეგიონის ათზე მეტი სახანძრო ჯგუფი მუშაობს, ცეცხლის ჩაქრობას ასევე სასაზღვრო პოლიციის ვერტმფრენი ცდიობს.

შსს–ს ინფორმაციით, ხანძრის გაჩენის მიზეზებზე ძიება, სსკ–ს 187–ე მუხლით დაიწყო, რაც ნივთის დაზიანება ან განადგურებას გულისხმობს.





[sknews.ge]