რა ქონებას ფლობს ავთანდილ გალდავა

ბოლო დეკლარაცია ავთანდილ გალდავას 2017 წლის 30 მარტს აქვს შევსებული. იგი სამცხე–ჯავახეთში პოლიციის დეპარტამენტის დირექტორად დანიშვნამდე, ვაკე–საბურთალოს სამმართველოს უფროსი იყო.

უშუალოდ მის სახელზე, დეკლარაციის მიხედვით, რეგისტრირებული არაფერია. მისი ოჯხის წევრები კი ორ ბინას, ერთ საცხოვრებელ სახლს, ავტოფარეხს, ოთხ მიწის ნაკვეთს და ერთ მსუბუქ ავტომანქანას ფლობენ.

მამის, შალვა გალდავას სახელზეა რეგისტრირებული 65,00 კვ.მ ბინა გლდანში მე-4 მიკრორაიონში; ამავე მისამართზეა 23,59 კვ.მ. ავტოფარეხი; შალვა გალდავა ფლობს 158,00 კვ.მ საცხოვრებელ სახლს სამტრედიაში, სოფელ ღანირში. ამავე სოფელში აქვს მას ოთხი მიწის ნაკვეთი;

მეუღლეს, ელზა ცერცვაძეს, რომელიც ფინანსთა სამინისტროში მთავარი ოფიცერია, 52,00 კვ.მ ბინა აქვს რეგისტრიებული თბილისში ალ.ყაზბეგის გამზირზე. ასევე ფლობს მსუბუქ ავტომანქანას „HYNDAI SONATA“.

2017 წლის დეკლარაციის მიხედვით, სამუშაოს შესრულებით წინა წლის პირველი იანვრიდან 31 დეკემბრის ჩათვლით მიღებული შემოსავალი 71410,74 ლარია.

შეგახსენებთ, შინაგან საქმეთა სამინისტროს სამცხე-ჯავახეთის პოლიციის დეპარტამენტის დირექტორად ავთანდილ გალდავა დაინიშნა. გალდავა რეგიონში მუშაობას უკვე შეუდგა. მან ამ პოზიციაზე თეიმურაზ კალანდაძე ჩაანაცვლა. კალანდაძე სამცხე–ჯავახეთის რაიონული სამმართველოდან მიმდინარე წლის 2 აგვიტოს, გლდანი ნაძალადევის სამმართველოს უფროსად გადაიყვანეს. კალანდაძემ რეგიონში 4 წელი იმუშავა.


[თამუნა უჩიძე, ახალციხე]