სამცხე–ჯავახეთის პოლიციის დეპარტამენტის დირექტორმა თანამდებობა დატოვა

მთავარი → სიახლე, საზოგადოება 02.10.2019

შინაგან საქმეთა სამინისტროს, სამცხე–ჯავახეთის პოლიციის დეპარტამენტის დირექტორი ავთანდილ გალდავა, სამეგრელოს პოლიციის დეპარტამენტში გადაიყვანეს.

სამცხე–ჯავახეთის პოლიციის დეპარტამენტის დირექტორმა თანამდებობა დატოვა

შსს–ს ინფორმაციით, სამცხე–ჯავახეთის პოლიციის დეპარტამენტის უკვე ყოფილი დირექტორი ავთანდილ გალდავა, იგივე პოზიციაზე სამეგრელოში გადაიყვანეს, ამ დროისათვის კი სამცხე–ჯავახეთის პოლიციის დეპარტამენტს ხელმძღვანელი არ ჰყავს: „ჯერ არ ვიცით როდის დაინიშნება ახალი დირექტორი, ვერ გეტყვით“.

როდის განხორციელდა საკადრო ცვლილებები შსს–ში არ ამბობენ, თუმცა „სამხრეთის კარიბჭეს“ ინფორმაციით ავთანდილ გალდავამ, რეგიონის პოლიციის დეპარტამენტის დირექტორის პოსტი დღეიდან, ორი ოქტომბრიდან დატოვა.

შინაგან საქმეთა სამინისტროს სამცხე-ჯავახეთის პოლიციის დეპარტამენტის დირექტორად ავთანდილ გალდავა, 2017 წლის აგვისტოში დაინიშნა, მანამდე იგი ვაკე–საბურთალოს სამმართველოს უფროსი იყო. სამცხე–ჯავახეთში კი პოლიციის დეპარტამენტის პოზიციაზე თეიმურაზ კალანდაძე ჩაანაცვლა.

[ლუბა გიორგაძე, ახალციხე]