ვინ არის და რა ქონებას ფლობს სამცხე–ჯავახეთის პოლიციის დეპარტამენტის ახალი დირექტორი

2019 წლის მაისის დეკლარაციის მიხედვით, მის საკუთრებაშია 2017 წელს, 25 000 ლარად შეძენილი ერთი საცხოვრებელი სახლი და 1 000 ლარის ღირებულების მიწის ნაკვეთი.

2013 წელს ხარაბაძე თავდაცვის სამინისტროში, გაერთიანებული შტაბის სახმელეთო ჯარების სარდლობის ჯ-6 კავშირგაბმულობის სამმართველოს დაგეგმვის და უსაფრთხოების განყოფილების უფროსის თანამდებობას იკავებდა.

2014 წლიდან კი შინაგან საქმეთა სამინისტროში აჭარის მთავარი სამმართველოს უფროსის მოადგილე იყო. ამავე წელს ხარაბაძე ყოფილ თანამდებობას დაუბრუნდა და კვლავ თავდაცვის სამინისტროს სახმელეთო ჯარების სამმართველოს უფროსი იყო 2015 წლამდე.

2016-დან 2017 წლის სექტემბრამდე მას დიდუბე - ჩუღურეთის პოლიციის სამმართველოს მოადგილის თანამდებობა ეკავა.

2018 წელს იყო ვაკე-საბურთალოს სამმართველოს უფროსის მოადგილე.

სამცხე-ჯავახეთში გადმოსვლამდე ხარაბაძე მცხეთა-მთიანეთის პოლიციის დეპარტამენტის დირექტორის მოადგილედ მუშაობდა.

ლევან ხარაბაძე სამცხე–ჯავახეთის პოლიციის დეპარტამენტის დირექტორად გუშინ, 10 დეკემბერს დაინიშნა. ჰყავს მეუღლე და ორი შვილი.

[რობი ზარიძე, ახალციხე]