სამცხე–ჯავახეთის პოლიციის დეპარტამენტის დირექტორი თეიმურაზ კალანდაძე თბილისში გადაიყვანეს

რაც შეეხება სამცხე–ჯავახეთის პოლიციის დეპარტამენტს, ამ დროისათვის თეიმურაზ კალანდაძის შემცვლელის ვინაობა უცნობია.

როგორც შინაგან საქმეთა სამინისტროში აცხადებენ, თეიმურაზ კალანდაძის თბილისში გადაყვანა ჩვეულებრივი პროცესი, სამსახურეობრივი როტაციაა. კალანდაძე ახალ სამსახურში მუშაობას გუშინ, 2 აგვისტოდან შეუდგა.

შეგახსენებთ, თეიმურაზ კალანდაძე შსს–ს სამცხე–ჯავახეთის პოლიციის დეპარტამენტს (იმჟამად სამხარეო სამმართველოს), 2013 წლის 26 ნოემბრიდან ხელმძღვანელობდა. ამ პოზიციაზე მან რევაზ მუმლაძე შეცვალა, რომელიც სამმართველოში იმავე წლის იანვრიდან დაინიშნა.

თავად თეიმურაზ კალანდაძე სამცხე–ჯავახეთში გადმოსვლამდე, მცხეთის რაიონული სამმართველოს უფროსად მუშაობდა.


[ნინო ნარიმანიშვილი, ახალციხე]