რაბათში მეჩეთის გუმბათი არ შეიცვლება

საქართველოს პრეზიდენტი მიზეილ სააკაშვილი თურქეთში ოფიციალური ვიზიტით დღეს გაემგზავრა. მან დღესვე გამართა შეხვედრა თურქეთის პრემიერ-მინისტრ რეჯეფ თაიფ ერდოღანთან.

შეხვედრისას პრეზოდენტმა და პრემიერმა ორი ქვეყნის ურთიერთობებზე ისაუბრეს. გარდა ამისა, მხარეებმა ისტორიული და კულტურული ძეგლების აღდგენა-რესტავრაციის თემაც განიხილეს და შეთანხმდნენ, რომ თურქეთის ტერიტორიაზე არსებულ ქართულ ეკლესიებში ქართველ სპეციალისტებს ყოველგვარი შეზღუდვის გარეშე დაუშვებენ, რადგან მათ სრული აღწერა და აღდგენითი სამუშაოების სათანადო მომზადება შეძლონ.

შეხვედრისას საუბარი ახალციხის ციხის საკითხსაც შეეხო. ორი ქვეყნის ლიდერები შეთანხმდნენ, რომ მეჩეთის გუმბათი არ შეიცვლება, ხოლო ყველა სხვა საკითხი ურთიერთპატივისცემის პირობებში გადაწყდება.

მიხეილ სააკაშვილმა თურქეთის პრემიერ-მინისტრს წიგნი „ახალი საქართველო (ქართული არქიტექტურა ვარდების რევოლუციის შემდეგ 2003-2012)“ დაათვალიერებინა, რომელშიც რაბათის ხედებია შესული.

რეჯეფ თაიფ ერდოღანი საქართველოს პირველ პირს სტამბულში დოლმაბაღჩას სასახლეში უმასპინძლა. შეხვედრა 3 საათის განმავლობაში, დაგეგმილზე ორჯერ დიდხანს გაგრძელდა.

[sknews.ge]