თურქეთის პრეზიდენტი მოსახლეობას ქუჩაში გასვლისკენ მოუწოდებს

პრეზიდენტი რეჯეპ ტაიპ ერდოღანი ტელეკომპანია CNN Turk-ს ტელეფონით, "სკაიპით" ჩაერთო. მისი განცხადებით, თურქეთში მიმდინარე მოვლენების უკან "პარალელური სტრუქტურები" დგანან. თურქეთის ხელისუფლება სახელმწიფო გადატრიალების მცდელობას შესაბამის პასუხს გასცემს.

თურქეთში სახელმწიფო გადატრიალების მცდელობაა. ვრცელდება ინფორმაცია, რომ სტამბულსა და ანკარაში მძიმე სამხედრო ტექნიკაა შეყვანილი. უცხოური მედიის ცნობით, ანკარაში ისმოდა სროლაც. უცხოური მედიის ინფორმაციით, სტამბულში ჯარის მიერ ბლოკირებულია ევროპისა და აზიის დამაკავშირებელი ორივე ხიდი. მაუწყებლობა შეწყვიტა სახელმწიფო ტელევიზიამ. გათიშულია ფეისბუკი, იუთუბი და ტვიტერი.

თურქეთის გენერალური შტაბი ხელისუფლების ხელში ჩაგდების შესახებ იუწყება. მათივე განცხადებით, თურქეთის ხელისუფლება დაპატიმრებულია.

თურქმა სამხდრებმა ქვეყანაში სამხედრო მდგომარეობა და კომენდანტის საათი გამოაცხადეს. თურქული მედიის ინფორმაციით, სამხედროებს დაკავებული აქვთ სახელმწიფო ტელევიზიის TRT-ს შენობა, რომელიც ანკარაში მდებარეობს.

[sknews.ge]