ბათუმში მეჩეთის მშენებლობაზე საუბარი ისევ დაიწყო

ეს განცხადება მაია ფანჯიკიძემ 15 თებერვალს, მთავრობის სხდომის დაწყებამდე გააკეთა. ერთი დღით ადრე, 14 თებერვალს, ამ საკითხზე საქართველოს პრემიერ მინისტრმა ბიძინა ივანიშვილმა თურქეთში გამართულ ოფიციალურ შეხვედრაზე ისაუბრა.

- ’ვისაუბრეთ პრობლემებზე მეჩეთის აშენების, რომელიც, მე მგონი, წარმატებით გადავწყვიტეთ და შევთანხმდით’, - განაცხადა ივანიშვილმა, თუმცა არ დაუკონკრეტებია, რას ითვალისწინებს ეს შეთანხმება.

ბათუმში აზიზეის მეჩეთის აშენებისა და ახალციხეში ახმედ ფაშას მეჩეთის აღდგენის საკითხები აქტიურად განიხილებოდა გასულ წელსაც. ბათუმში აზიზეის მეჩეთის აშენების გადაწყვეტილებას, საპროტესტო აქციებიც მოჰყვა. ოქტომბრის საპარლამენტო არჩევნებისა და ხელისუფლების შეცვლის შემდეგ, გავრცელდა ინფორმაცია, რომ თურქეთის ტერიტორიაზე მდებარე ქართული ძეგლების რესტავრაციის სანაცვლოდ შეიძლება ახალციხეში რეაბილიტირებული ახმედის მეჩეთის ისტორიული იერსახის აღდგენა იყოს საკმარისი.

აღნიშნულ საკითხზე ‘სამხრეთის კარიბჭემ’ მუშაობა დაიწყო. რას ფიქრობენ ამ საკითხზე მოქალაქეები, მუსლიმანი მესხების თემაზე მომუშავე არასამთავრობო ორგანიზაციები, ახალციხეში მცხოვრები მუსლიმანი მესხები და ისტორიკოსები - თვალი ადევნეთ ”სამხრეთის კარიბჭეს”, მასალებს ამ თემაზე დღის განმავლობაში შემოგთავაზებთ.

[ნინო ზედგინიძე, ახალციხე]