სამხედრო გადატრიალების მცდელობის ბრალდებით თურქეთში 1563 სამხედროა დაკავებული

ფოტო: EPA

AFP წერს, რომ აჯანყების შედეგად დაღუპულთა რაოდენობამ 90-ს მიაღწია, დაშავებულია 1154 ადამიანი.

ანკარასა და სტამბოლის ქუჩებში მეამბოხეებსა და სახელისუფლო ძალებს შორის შეიარაღებული დაპირისპირება კვლავ გრძელდება, თუმცა უპირატესობას ქვეყნის პრეზიდენტის რეჯეფ თაიფ ერდოღანის მომხრეები ფლობენ.

თურქეთში შეიარაღებული გადატრიალება გუშინ, გვიან ღამით დაიწყო. შეირაღებული ძალების ნაწილმა განაცხადა, რომ მმართველობაზე კონტროლის დამყარებას გეგმავდა, რის შემდეგაც ქვეყანაში კომენდანტის საათი გამოაცხადა.

თურქეთის პრეზიდენტი რეჯეფ თაიფ ერდოღანი აცხადებდა, რომ მთავრობა მოქმედი იყო და არ დაუშვებდა ქვეყანაში დემოკრატიას საფრთხე შეექმნოდა. პრეზიდენტმა მოქალაქეებს ქუჩაში გასვლისკენ მოუწოდა. მოქალაქეები ქუჩაში გავიდნენ. სად იყო თავად პრეზიდენტი, დიდი ხნის განმავლობაში ამაზე ინფორმაცია არ ვრცელდებოდა.

თუქეთში მიმდინარე მოვლენების გამო საქართველოს პრეზიდენტმა გიორგი მარგველაშვილმა ეროვნული უშიშროების საბჭოს საგანგებო სხდომა მოიწვია. სხდომის დასრულების შემდეგ, პრეზიდნეტმა თურქ კოლეგას მხარდაჭერა გამოუცხადა. მან განაცხადა, რომ საქართველოს არავითარი საფრთხე არ ემუქრება. საქართველოს პრეიერმა გიორგი კვირიკაშვილმა კი განაცხადა, რომ უსაფრთხოების მიზნით დილამდე თურქეთის მიმართულებით საზღვარზე გადასვლა შეიზღუდა, საჰაერო საზღვარი კი დაიკეტა.

საქართველოს საგარეო საქმეთა სამინისტრო თურქეთში მყოფ საქართველოს მოქალაქეებს მოუწოდებდა შეენარჩუნებინათ სიმშვიდე და თავი შეკავებინათ ქუჩაში გადაადგილებებისგან. საქართველოს საელჩოში ამოქმედდა ცხელი ხაზი.

ევროკომისარი ფედერიკა მოგერინი „ტვიტერზე“ წერდა, რომ მუდმივი კონტაქტი აქვს ბრიუსელთან და ანკარაში ევროკავშირის წარმომადგენლობასთან. იგი თავშეკავებისა და დემოკრატიული ინსტიტუტების პატივისცემის მოწოდებით გამოვიდა.

აშშ–ს მთავრობამ მხარდაჭერა გამოუცხადა თურქეთის მოქმედ პრეზიდენტს რეჯებ თაეფ ერდოღანს.

ღამით, დაახლოებით 02:00 საათიდან, ვრცელდებოდა ინფორმაცია, რომ გადატრიალების მცდელობა აღმოფხვრილია.

გვიან ღამით, სტამბულში პრეზიდენტი ჩაფრნდა. 'ყველანაირი სამხედრო შეიარაღებული გზით ხელისუფლების დამხობის მცდელობა განწირულია კრახისთვის' – განაცხადა სტაუმბულში ჩასულმა თურქეთის პრეზიდენტიმა რეჯეფ თაიფ ერდოღანმა, რომელმაც სტამბულში პრესკონფერენცია გამართა.

[ნინო ნარიმანიშვილი, ახალციხე]