ხერთვისთან ავარიის შედეგად დაშავებულები ერევანში გადაყავთ

ავარიის შედეგად დაშავებულები ახალციხის რეფერალურ საავადმყოფოში შეიყვანეს. კლინიკაში აცხადებენ, რომ ერთი პაციენტის მდგომარეობა შედარებით მძიმეა, მას ხერხემლის ტრამვა აქვს მიღებული, ხოლო დანარჩენებს მუსბუქი დაზიანებები აღენიშნებათ.

„ერთ–ერთ ქალს ხერხემლის ტრამვა აქვს და გადაწყვიტეს ერევანში გადაიყვანონ, ახლა ამზადებენ წასაყვანად“, –აცხადებენ საავადმყოფოში.

შეგახსენებთ, რომ დღეს, 3 ივლის დილით ასპინძის მუნიციპალიტეტის სოფელ ხერთვისთან მსუბუქი მანქანა ხევში გადავარდა, რომელშიც ხუთი მგზავრი იმყოფებოდა. დაშავებულები ჯერ ასპინძის, შემდეგ კი ახალციხის რეფერალურ საავადმყოფოში გადაიყვანეს.

როგორც „სამხრეთის კარიბჭეს“ შინაგან საქმეთა სამინისტროში განუცხადეს, მომხდარზე ძიება სისხლის სამართლის კოდქსის 276–ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

[თინათინ ზაზაძე, ასპინძა]