ავარიის შედეგად დაშავებულს საოპერაციოდ ამზადებენ

სოფელ ნიჯგორთან ავტოსაგზაო შემთხვევის შედეგად დაშავებულ ახალგაზრდას ბარძაყის და წვივის ძვლები აქვს მოტეხილი. ასევე აღენიშნება სხეულის მრავლობითი ექსკორაციები.

სამედიცინო დაწესებულებაში აცხადებენ, რომ პაციენტს ოპერაციისთვის ამზადებენ.

შეგახსენებთ, რომ ავტოსაგზაო შემთხვევა დღეს 27 იანვარს, დაახლოებით 08:30 საათზე მოხდა. ერთმანეთს საპირისპიროდ მოძრავი "სუბარუს" და "ჟიგულის" მარკის ავტომობილები შეეჯახნენ, რის შედეგად ახალგაზრდა მამაკაცი დაშავდა. სასწრაფო სამედიცინო დახმარების ბრიგადამ დაშავებული ჯერ ასპინძის, ხოლო შემდგომ ახალციხის რეფერალურ ჰოსპიტალში გადაიყვანეს.


შსს–ს ინფორმაციით მომხდარზე ძიება სისხლის სამართლის კოდქსის 276–ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

[sknews.ge]