ასპინძაში ავტოსაგზაო შემთხვევას 55 წლის მამაკაცი ემსხვერპლა

ავტოსაგზაო შემთხვევა გუშინ, 16 ოქტომბერს დაახლოებით 17:00 საათზე მოხდა. ერთმანეთს საპირისპიროდ მოძრავი ტრაილერი და "კიას" მარკის ავტომობილი შეეჯახნენ.

ავარიის შედეგად "კიას" მარკის ავტომობილში ორი მამაკაცი, მათ შორის მძღოლი მძიმედ დაშავდა. დაშავებულები სასწრაფო სამედინიცო სამსახურის ბრიგადამ ახალციხის რეფერალურ საავადმყოფოში გადაიყვანა.

როგორც სამედიცინო ცენტრში აცხადებენ, 55 წლის მამაკაცი მიყენებული ტრამვების შედეგად საავადმყოფოში მიყვანის შემდეგ გარდაიცვალა. ხოლო მეორე, შუახნის მამაკაცის მდგომარეობა სტაბილურად მძიმეა, მას ორი ოპერაცია ჩაუტარდა.

შინაგან საქმეთა სამინისტროს ინფორმაციით, მომხდარზე ძიება სისხლის სამართლის კოდექსის 276–ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს. თუმცა იმის გამო, რომ "კიას" მარკის ავტომობილის მძღოლი გარდაიცვალა, საქმე გადაკვალიფიცირდება.

[თინათინ ზაზაძე, ასპინძა]