ივლიტასთან, ავტოავარიის დროს დაზარალებულ ქალს გამოკვლევები უტარდება

როგორც „სამხრეთის კარიბჭეს“ სამედიცინო ცენტრში განუმარტეს შუახნის ქალს ავტოსაგზაო შემთხვევის შედეგად, სერიოზული ტრამვა არ მიუღია.

„პაციენტს სავარაუდოდ ფსიქიკური პრობლემები აქვს, ამ ეტაპზე გამოკვლევები უტარდება. სერიოზული ტრამვა არ მიუღია“, – განაცხადეს ახალციხის რეფერალურ საავადმყოფოში.

შეგახსენებთ, რომ ახალციხის მუნიციპალიტეტის სოფელ ივლიტასთან, ავტოსაგზაო შემთხვევა დღეს, 20 მაისს, საღამოს მოხდა. თვითმხილველების ინფორმაციით, ქალი ივლიტასთან, გაჩერებაზე იდგა. ამ დროს ორივე მიმართულებით მანქანები მოძრაობდნენ. უცებ ქვეითმა ავტობუსი დაინახა, რომელიც სავარაუდოდ ვალისკენ მიმავალი ეგონა და გზაზე გადავიდა. სწორედ ამ დროს დაეჯახა მას მომავალი მანქანა. ქალი ვალეს მცხოვრებია.

შსს–ში აცხადებენ, რომ მომხდარზე გამოძიება სისხლის სამართლის კოდექსის 276–ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

[sknews.ge]