ანონსი: უპატრონო დასახლება ახალციხეში

მთავარი → საზოგადოება 31.03.2013

მთავარი თემა:
უპატრონო დასახლება ახალციხეში - მოუწესრიგებელი ინფრასტრუქტურა, ატალახებული და ჩაბნელებული ქუჩები და გადათხრილი გზები. ვის ბალანსზეა ყოფილი სამხედრო დასახლება და რატომ ვერ მოხვდა ვერცერთ პროგრამაში ზარზმელის ქუჩა.

ასევე, ნომერშია:

ახალქალაქის ხელისუფლებაში ცვლილებები ”ოცნების” სცენარს ასცდა - ახალქალაქის ადგილობრივ ხელისუფლებაში გამგებელმა და საკრებულოს თავმჯდომარემ პოსტების დათმობას პარტიების შეცვლა არჩიეს. გამგებელი ”ოცნებაში” საკრებულოს თავმჯდომარე კი ”რესპუბლიკელებში” გადავიდა.

ბორჯომელებს საკუთარი სახლები მოენატრათ - ბორჯომში ცხრა აპრილის ქუჩაზე, მეშვიდე ბინაში მცხოვრები 12 ოჯახი წელიწადზე მეტია ნაქირავებ ფართში ცხოვრობს და საკუთარ ბინებში შესვლას ელოდება.

ზაფხულიდან ასპინძელებს ნანატრი, სუფთა წყალი ექნებათ - გაზაფხულის ნაცვლად, დაბა ასპინძასა და სოფლებში: აწყვიტასა და ნიჯგორში მცხოვრებლებს, სასმელი წყლის პრობლემა ზაფხულიდან მოუგვარდებათ.

განვითარებული, მაგრამ ცარიელი სოფელი- მიუხედავად იმისა, რომ სოფელ არაგვაში გაყვანილია წყალსადენი, აშენდა სათხილამურო ტრასა, მოთხილამურეთა სკოლა და სოფლამდე გზაც მოასფალტებულია, ახალგაზრდობა სოფლიდან მაინც მიდის და დარჩენილებიც წასვლაზე ფიქრობენ.