GIZ–ის დელეგაციას რეგიონის განვითარების სტრატეგიის სამოქმედო გეგმა გააცნეს

სამხარეო ადმინისტრაციაში გუბერნიის ხელმძღვანელი პირებისა და გერმანიის დელეგაციის შეხვედრა დღეს, 1 ივნისს გაიმართა. შეხვედრას
GIZ საქართველოს ოფისის დირექტორი მერი შეფერი, პროგრამის დირექტორი კარსტენ პოსე, ექსპერტები ერიკ მარქსი და არჩილ ჟორჟოლიანი ესწრებოდნენ.

გზების, სასმელი და საკანალიზაციო წყლისა და კულტურული მემკვიდრეობის ძეგლებთან მისასვლელი გზების რეაბილიტაცია, ასევე სკოლამდელი აღზრდის დაწესებულებების მშენებლობა იქნება მთავარი პრიორიტეტი, რასაც სამხარეო ადმინისტრაცია ბოლო ორი წლის განმავლობაში, გერმანიის საერთაშორისო განვითარებისა და თანამშრომლობის საზოგადოების (GIZ) მხარდაჭერით განახორციელებს.

შეხვედრა მედიისთვის დახურული იყო და დასრულების შემდეგ სტუმრებს ჟურნალისტებთან კომენტარი არ გაუკეთებიათ.

როგორც სამცხე–ჯავახეთის გუბერნატორი აკაკი მაჭუტაძე აცხადებს, სტუმრებთან იმ გეგმებზე ისაუბრეს, რაც 2021 წლამდე სამცხე–ჯავახეთში GIZ–ის მხარდაჭერით განხორციელდება: „დაგვეხმარებიან სხვადასხვა საკითხებში კვალიფიციური ექსპერტების მოძიებაში იმისათვის, რომ რეგიონის განვითარების გეგმა ჩვენ უფრო ეფექტურად განვახორციელოთ“.





[ლუბა გიორგაძე, ახალციხე]