სამხარეო საკონსულტაციო საბჭომ წლის შემაჯამებელი სხდომა გამართა

სამხარეო ადმინისტრაციის ცნობით, პროექტის მომზადებაში აქტიურად იყვნენ ჩართული სამხარეო ადმინისტრაციისა და მუნიციპალიტეტების წარმომადგენლებისაგან დაკომპლექტებული სამუშაო ჯგუფები. სამოქმედო გეგმაში შესატანი ცვლილებები განიხილეს და მოიწონეს მუნიციპალიტეტების საკრებულოებმა.

სავარაუდო ლიმიტების გათვალისწინებით რეგიონებში განსახორციელებელი პროექტების ფონდიდან დასაფინანსებლად 15 303 768 ლარის ღირებულების 30 მასშტაბური პროექტი შეირჩა, ძირითადი პრიორიტეტებია საგზაო ინფრასტრუქტურის, სასმელი წყლისა და საკანალიზაციო სისტემების მოწესრიგება.

20 864 081 ლარი მოხმარდება ინფრასტრუქტურულ პროექტებს ადგილობრივი ბიუჯეტებიდან. საკონსულტაციო საბჭომ იმსჯელა მუნიციპალური განვითარების ფონდიდან დასაფინანსებელ პროექტებზეც.

სამცხე-ჯავახეთის რეგიონის განვითარების სტრატეგიის 2017 წლის განახლებული სამოქმედო გეგმა უახლოეს ხანში დასამტკიცებლად საქართველოს რეგიონული განვითარების სამთავრობო კომისიას წარედგინება.

[sknews.ge]