რეგონული ფონდის თანადაფინანსებით, სამცხე–ჯავახეთში 25 მლნ ლარის პროექტები განხორციელდება

სამხარეო საკონსულტაციო საბჭოს სხდომა, დღეს, 20 თებერვალს , სამცხე–ჯავახეთის სამხარეო ადმინისტრაციაში გაიმართა.

სხდომაზე გაირკვა, რომ წელს, რეგიონებში განსახორციელებელი პროექტების ფონდმა, თანადაფინანსებისთვის, რეგიონის მუნიციპალიტეტებიდან 65 პროექტი შეარჩია. მათი ჯამური ღირებულება 25 მილიონი ლარია.

პროექტები ძირიტადად საგზაო ინფრასტრუქტურის მოწესრიგებას, ხიდების, საბავშვო ბაღების, სპორტული მოედნების, სასმელი წყლისა და საკანალიზაციო სისტემების მშენებლობა– რეაბილიტაციას ეხება.

სხდომის დასრულების შემდეგ, რეგიონის გუბერნატორმა, აკაკი მაჭუტაძემ განმარტა, რომ შეხვედრაზე საპროექტო სამუშაოებსა და პროექტების განხორციელების დეტალებზე ისაუბრეს: „განვიხილეთ სამშენებლო შესყიდვების ვადები“.

სამხარეო საკონსულტაციო საბჭოს სხდომას, რომელიც პერიოდულად იმართება, სამხარეო ადმინისტრაციისა და რეგიონში შემავალი მუნიციპალიტეტების ხელმძღვანელები, საკრებულოს თავმჯდომარეები და მათი მოადგილეები ესწრებოდნენ.

ამავე სხდომაზე იმსჯელეს სამცხე–ჯავახეთის რეგიონის განვითარების სტრატეგიის, 2017 წლის განახლებული გეგმის შესახებაც, რომელიც უახლოეს ხანში დასამცკიცებლად საქართველოს რეგიონული განვითარების სამთავრობო კომისიას წარედგინება.

[მარიამ ბარძიმაძე, ახალციხე]