სამცხე–ჯავახეთის სამხარეო ადმინისტრაციაში ინფრასტრუქტურულ პროექტებზე იმსჯელეს

სამხარე ადმინისტრაციაში შეხვედრა დღეს,4 ნოემბერს გაიმართა. გუბერნიაში 2017 წელს დაგეგმილი რეგიონული პროექტების ფონდისა და ადგილობრივი ბიუჯეტის დაფინანსებით განსახორციელებელი პროექტების შესახებ ისაუბრეს. ასევე განიხილეს იმ პროექტები, რომლებიც სამოქმედო გეგმის ფარგლებში უკვე შესრულებულია.

სამუშაო შეხვედრას სამცხე-ჯავახეთის გუბერნატორი აკაკი მაჭუტაძე, „გერმანიის საერთაშორისო თანამშრომლობის საზოგადოება, ადგილობრივი თვითმმართველობის პროგრამა კავკასიაში“ პროგრამის მრჩეველი არჩილ ჟორჟოლიანი, სამხარეო ადმინისტრაციისა და მუნიციპალიტეტების წარმომადგენლები ესწრებოდნენ.

რეგიონის განვითარების სამოქმედო გეგმაზე მომუშავე ჯგუფების მიერ გაწეული საქმიანობა დადებითად შეაფასა „გერმანიის საერთაშორისო თანამშრომლობის საზოგადოების“ (GIZ) წარმომადგენელმა არჩილ ჟორჟოლიანმა, რომელმაც აღნიშნა, რომ გეგმის განახლებისას ჯგუფები ტექნიკურ დახმარებას აღარ საჭიროებენ. თუმცა, ამის მიუხედავად, შეხვედრის მონაწილეებმა მომავალში აქტიური თანამშრომლობის იმედი გამოთქვეს.

[sknews.ge]