საკონსულტაციო საბჭომ პირველი სამუშაო შეხვედრა გამართა

საკონსულტაციო საბჭომ, რომელიც გუშინ, 15 ოქტომბერს ჩამოყალიბდა, პირველი სამუშაო შეხვედრა დღეს, 16 ოქტომბერს გაიმართა. შეხვედრას სამხარეო ადმინისტრაციის, სამცხე–ჯავახეთის შვიდივე მუნიციპალიტეტისა და რეგიონული განვითარების სამინისტროს წარმომადგენლები და გერმანიის საერთაშორისო განვითარების საზოგადოების თანამშრომელი არჩილ ჟორჟოლიანი დაესწრნენ.

„შეხვედრის მიზანი იყო რეგიონული განვითარების სტრატეგიის სამოქმედო გეგმის მეთოდოლოგიის გაცნობა სამუშაო ჯგუფებისთვის. რეგიონს აქვს განვითარების სტრატეგია, რომელიც არის საკმაოდ მნიშვნელოვანი და საინტერესო დოკუმენტი. თუმცა, სტრატეგია ცარიელ დოკუმენტად რომ არ დარჩეს, უნდა შევთანხმდეთ მისი განხორციელების მექანიზმებზე“,– განმარტავს არჩილ ჟორჟოლიანი.

მისივე თქმით, სამუშაო ჯგუფებს სამოქმედო გეგმა დეკემბრის დასაწყისში უნდა ჰქონდეთ ჩამოყალიბებული, რომელიც შემდგომ რეგიონული განვითარების ფონდს დაფინანსების მოთხოვნით წარედგინება. დაფინანსების შემთხვევაში პროექტი შევა სამოქმედო გეგმაში.

„თუმცა მანამდე პირველი ფილტრი იქნება უშუალოდ რეგიონის დონეზე, სამუშაო ჯგუფებში. შემდგომ გაიფლიტრება რეგიონული გამნვითარებისა და ინფრასტრუქტურის სამინისტროს მიერ და საბოლოო სიტყვას იტყვის სამთავრობო კომისია, რომელიც გადაწყვეტს რამდენი და რა ოდენობის პროექტი დაგვინანსდება“, – ამბობს არჩილ ჟორჟოლიანი.

რამდენი პროექტი დაფინანსდება თითოეულ რეგიონში, ეს იმაზე იქნება დამოკიდებული, რა თანხა ექნება რეგიონული განვითარების ფონდს.



[თინათინ ზაზაძე, ახალციხე]