ადიგენში ფეხბურთის ტურნირი გამგეობის გუნდმა მოიგო

მინი ფეხბურთი რამდენიმე ეტაპად მიმდინარეობდა. ფინალში ერთამანეთს ადიგენის გამგეობა და შპს „უნიმედი სამცხე“–ს ადიგენის სამედიცინო ცენტრი დაუპირისპირდა.

შეხვედრა ადიგენის გამგეობის გამარჯვებით დასრულდა. გამარჯვებულებს, ადიგენის მუნიციპალიტეტის გამგებელმა, ზაქარია ენდელაძემ მედლები გადასცა. გარდა ამისა, პირველ ადგილზე გასულ გუნდს 150, ხოლო მეორე ადგილზე გასულს კი 100 ლარი გადაეცა.

ღონისძიებას ორგანიზება ადიგენის მუნიციპალიტეტის კულტურის სამსახურმა გაუწია.

გამარჯვებული გუნდი მიღებულ ჯილდოს, 150 ლარს, მუნიციპალიტეტში მცხოვრებ გაჭირვებულებს გადასცემს.

[ვარლამ წიკლაური, ადიგენი]