ბორჯომში მეწყერით დაზიანებული ინფრასტრუქტურის აღსადგენად პროექტი მზადდება

ბორჯომის მუნიციპალიტეტის გამგებლის პირველი მოადგილის ანზორ სვანიძის განმარტებით, უკვე შედგენილია ოქმი, საპროექტო ორგანიზაცია თორის ქუჩაზე, მეწყერის დროს დაზიანებული კედლის აღდგენის და სანიაღვრე არხის გაწმენდისთვის საპროექტო–სახართაღრიცხვო დოკუმენტაციას ამზადებს.

„პროექტის გაკეთების შემდეგ, სამშენებლო კომპანიას ხელშეკრულებას გავუფრომებთ და სარეაბილიტაციო სამუშაოები დაიწყება. ტენდერის გამოცხადებისთვის დრო აღარ გვრჩება“, – განაცხადა ანზორ სვანიძემ.

რაც შეეხება დაზარალებულ ოჯახებს, მიყენებული ზარალის დათვლას ხვალიდან, 23 მაისიდან აუდიტი დაიწყებს:„მოვძებნეთ აუდიტი, რომელთანაც ხელშეკრულებას გავაფორმებთ, ჩვენს თანამშროლებთან ერთად დაითვლის ზარალს. ზარალის დათვლა ამ კვირაში დასრულდება“.

შეგახსენებთ, რომ ინტენსიური წვიმის შედეგად ბორჯომში, ჩარხლისწყლის დასახლებაში,თორის ქუჩაზე მეწყერი დაახლოებით 21:00 საათზე ჩამოწვა. მიწის დიდმა მასამ სანიაღვრე არხი ჩაკეტა, რის გამოც დაგუბებული წალი ადგილორბივების საცხოვრებელ სახლებში შევარდა.

სტიქიამ ყველაზე მეტად სამი ოჯახი დაზარალა. მათი ნაწილი ღამეს ახლობლებთან ათევს.

„ერთ მოსახლეს, რომელიც ყველაზე მეტად დაზარალდა ბორჯომში სხვა სახლიც აქვს და იქ არიან, მეორე ოჯახი ახლობელთან არის, მესამეს კი მხოლოდ კიბე დაუზიანდა და ისევ იმ სახლში ცხოვრობენ“, – განაცხადა ანზორ სვანიძემ.

მისივე თქმით, დაზარალებულებს შესთავაზეს, ვიდრე ზარალი დაითვლებოდა სასტუმრობში გადაეყვანათ, თუმცა უარი თქვეს.

ადგილობრივ თვითმმართველობაში აცხადებენ, რომ რა მასშტაბის ზარალი მიადგა თორის ქუჩას, რამდენიმე დღეში ეცოდინებათ.

[თინათინ ზაზაძე, ბორჯომი]