მოხეში მეჩეთის მშენებლობა დაიწყო

მოხეში ოთარ მიქელაძის ეზოში მეჩეთისთვის საძირკველის გაჭრა დაახლოებით ხუთი დღის წინ დაიწყო.
„ექსკავატორის პრობლემა შექმნა და ცოტახანი გავჩერდით, ამ დღეებში სამშენებლო მასალასაც მოიტანენ და მშენებლობას ისევ განვაახლებთ“, – ამბობს ოთარ მიქელაძე.

როგორც „სამხრეთის კარიბჭესთან“ დასავლეთ საქართველოს მუფთი, ბეგლარ ქამაშიძე აცხადებს „მოხეში მეჩეთს სამუფთო სამმართველო და სახელმწიფო აშენებს“.

რა ჯდება მეჩეთის მშენებლობა შანთაძე არ აკონკრეტებს: „რაც იქნება საჭირო ის დაიხარჯება, მშენებლობის პროცესში შევხედავთ. აქ სამუშაოებზე ახლა ადგილობრივები არიან დასაქმებულები და მათ სამუფთო სამმართველო ზედამხედველობს“.

შეგახსენებთ, რომ ე.წ. მოხეს კომისიამ მუშაობა 11 მაისს დაასრულა. აღნიშნული კომისიის გადაწყვეტილების მიხედვით, სადავო შენობა სადავო სტატუსით ძეგლთა დაცვის ეროვნულ სააგენტოს გადაეცემა. სოფელში კი ახალი მეჩეთი აშენდება.

მოხეს კომისიის გადაწყვეტილებას ადგილბორივი ქრისტიანი თემი ეთანხმება, მუსლიმების თითქმის სრული უმრავლესობა კი აპროტესტებს და ლოცვის გაგრძელებას კვლავ ღია ცის ქვეშ აპირებს.

[თამუნა უჩიძე, ადიგენი]