11 აპრილიდან ებრაელები პასექის დღესასწაულს აღნიშნავენ

პასექის დღეებში ებრაელები ფიზიკური და სულიერი გადარჩენის ნიშნად უფლისგან მოსულ ხსნას ზეიმობენ, იერუსალიმის ტაძარს მოილოცავენ და უფუარ პურს - მაცას მიირთმევენ.

პასექი არის ერთ-ერთი ებრაული სამი პილიგრიმული დღესასწაულიდან. საუფლო დღესასწაულზე (ისრაელში შვიდ და ისრაელის გარეთ რვა დღის მანძილზე) ებრაელები იცავენ მარხვას უფუარი პურის კვერით (მაცა). პასექი ებრაულ ტრადიციაში, უპირველეს ყოვლისა, ოჯახური დღესასწაულია, რომლის დროსაც მთელი ოჯახი იკრიბება, რათა შეასრულოს თორას კანონი: "მოუმზადე პასექი უფალს".

პასექის ჩატარების რიტუალს სედერი ეწოდება. დღესასწაულის წინა საღამოს მთელი ოჯახი იკრიბება საპასექო სუფრასთან, სადაც შემწვარი ბატკნის ხორცი, მწარე მწვანილი – მარორი და უფუარი ხმიადი – მაცა იქნება მირთმეული, რომელთა ნარჩენები გამთენიისას უნდა დაიწვას.

[sknews.ge]