კათოლიკე ეკლესია ბზობის დღესასწაულს აღნიშნავს

ამ დღესთან დაკავშირებით საქართველოს კათოლიკე ტაძრებში სადღესასწაულო მსახურება სრულდება. ახალციხეში მცხოვრებმა მორწმუნეებმა ბზობის დღესასწაული რაბათის წმინდა სავარდის სახელობის ტაძარში აღნიშნეს.

ქრისტიანული კულტის მსახურებაში ბზობის დღესასწაულის აღნიშვნა მეოთხე საუკუნეში შემოვიდა. იგი საწყისს ძველი ებრაული დღესასწაულიდან იღებს. ბზობის შინაარსი დაფუძნებულია სახარების იმ ნაწილზე, რომელშიც გადმოცემულია იერუსალიმში პასექის დღესასწაულზე დასასწრებად იესო ქრისტეს შესვლის ამბავი.

სახარების მიხედვით მაცხოვარს მოსახლეობა ზეიმით შეეგება, ზოგი მის სახედარს ფეხქვეშ თავის სამოს, ზოგი კი პალმის ტოტებ ს– ბაიას უფენდა და ოსანას შესძახოდა.

ბზობის რიტუალი სიმბოლურად იმეორებს სახარების ამ მოთხრობის ზოგიერთ დეტალს და ამიტომ მღვდელმასხურნი მლოცველების მიერ მიტანილ ტოტებს აკურთხხებენ და „ოსანას“ გალობენ. მრავალ ქვეყანაში პალმის მაგივრობას ბზა და ტირიფი ასრულებს.

[ნინო ნარიმანიშვილი, ახალციხე]